जलमिव भवतु सदा
जलमिव मृदुलं भवतु सदापि।
जलमिव मधुरं वितरतु भुवने।
जलमिव शीतलमस्तु चरित्रम्।
जलमिव निर्मलमस्तु मनश्च।
Sunday, 1 July 2012
Thursday, 14 June 2012
वानरः वा नरः वा ?
वानरः वा नरः वा ?
पादपशिखरे मर्कटवीरो
हेलति कुसृतिभिरामोदम्।
आरोहति तरुशिखरमतिद्रुत-
मवरोहति तरुमूलमथैवम्।
बहुविधभावैर्हावैर्विहरति
बहुविधभावैर्हावैर्विहरति
बहुजनश्रद्धां सो हरति।
दृष्ट्वा मानवमनसि वितर्कः
वा नरः? वा नर ? इत्येवम्॥
Friday, 1 June 2012
चन्दिरबिम्बोयम्
चन्दिरबिम्बोयम्
सुवर्णमेकं पात्रं विलसति
गगने किं वा तत् ?
परितः पश्यतु पात्रात् गलिताः
सुवर्णकणिकाश्च।
सुवर्णपात्रं नहि नहि गगने
चन्दिरबिम्बोयम्।
सुवर्णकणिकासदृशं स्फुरति च
तारकमेकैकम् ।।
Tuesday, 29 May 2012
चित्रपतङ्गः।
कुसुमसमानं धरति शरीरं
कुसुमे विहरति चित्रपतङ्गः ।
डयते मन्दं मन्दमकस्मात्
गगनं गत्वा पुनरागछति ।
सरति सलीलं
कुसुमात् कुसुमं
हरति स पुष्परसं कुसुमेभ्यः
हरति तथा जनहृदयमपि। Sunday, 8 April 2012
पञ्च एव वयम् ।
पञ्च एव वयम्
।
नाम किं सखे ? भीमसेनः।
कुत्र देशः ? हस्तिनापुरे।
कति जना गृहे ? पञ्च भो वयम्।
वदतु के च ते ? वदामि श्रूयताम्।
अग्रजोस्ति मे धर्मपुत्रः।
पुनरयं जनो भीमसेनः।
अर्जुनोनुजो ततस्स नकुलः।
अन्तिमोस्ति भोः सहदेवनामकः।
Friday, 6 April 2012
संस्कृताय नमो नमः
संस्कृताय नमो नमः
अहं पठामि संस्कृतम्।
अहं वदामि संस्कृतम् ।
ललितमेव संस्कृतम्।
मधुरमेव संस्कृतम् ।
अतुलमेव संस्कृतम् ।
अनघमेव संस्कृतम् ।
अमृतमेव संस्कृतम् ।
अहं नमामि संस्कृतम्।
Thursday, 5 April 2012
कुत्र वसति ?
कुत्र वसति ?
कुत्र वसति मीनः? सदापि निर्मले जले
कुत्र सरति विहगः ? आनन्तगगनमण्डले
कुत्र वसति मानवः ? तस्य गेहमाश्रयन्
कुत्र वसति देवः ? भक्तहृयमन्दिरे
Subscribe to:
Posts (Atom)